Luftëtarët e Wagner-it kanë filluar të tërhiqen nga Bakhmuti, thotë Prigozhin

Kreu i grupit mercenar rus, Wagner, tha të enjten se luftëtarët e tij kanë filluar tërheqjen e tyre të planifikuar nga qyteti lindor i Ukrainës, Bakhmut, raporton CNN, transmeton Klan Kosova.

Yevgeny Prigozhin kishte njoftuar tërheqjen e pritshme të Wagnerit në fundjavë, duke thënë se luftëtarët e tij do t’ia dorëzonin qytetin ushtrisë ruse pasi ta pushtonin atë pas një beteje të përgjakshme disamujore. Zyrtarët ukrainas kanë këmbëngulur këtë javë, megjithatë, se xhepat e rezistencës mbeten brenda dhe përreth qytetit.

Në një video të postuar në kanalin e tij Telegram të enjten, Prigozhin shihet duke shtrënguar duart me luftëtarët e Wagnerit dhe duke i uruar ata.

Prigozhin tha se tërheqja e forcave Wagner pritej të përfundonte javën e ardhshme.

“Deri më 1 qershor, pjesa kryesore do të zhvendoset në kampet e pasme. Ne i transferojmë pozicionet ushtarakëve. Municionet, pozicionet, gjithçka”, tha Prigozhin, duke folur drejtpërdrejt në kamerë.

*Klikoni KËTU për t’u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.