Liverpooli zgjohet para ndeshjes me Real Madridin: Ndihemi mirë!

Java e fundit e Liverpoolit ka qenë më e mira e vitit 2023. Reds, të zhytur në një minikrizë (një fitore në shtatë ndeshje), e cila i la ata në mes të tabelës dhe jashtë dy Kupave në vitin e ri, janë zgjuar pikërisht në kohw për t’u përballur me Real Madridin në raundin e 16-të të Ligës së Kampionëve.

Klubi anglez regjistroi fitore të njëpasnjëshme kundër Evertonit dhe Newcastle, me këta të fundit duke rritur shanset e tyre për një përfundim në top-katërshe në Premier League, transmeton Klankosova.tv.

“Është herët për të thënë se jemi rikthyer, por ne vazhduam të luftonim si kur ishim keq dhe kemi marrë fitoren tonë të dytë radhazi”, tha trajneri i Liverpoolit, Jurgen Klopp pas fitores kundër Newcastle.

“Ndihemi mirë. Ka kaluar një kohë e gjatë që nuk e kemi përjetuar këtë”.

Liverpooli ka siguruar dy fitore radhazi në Premier League për herë të parë që nga Krishtlindjet, gjë që i ka lejuar ata të ngjiten në vendin e tetë, shtatë pikë prapa Tottenhamit të vendit të katërt me dy ndeshje më pak, që do të thotë se shpresat e tyre në top katërshe janë të mira dhe me të vërtetë po kthehen në rrugën e duhur.

Cody Gakpo ka shënuar dy herë në dy ndeshjet e tij të fundit dhe Mohamed Salah dhe Darwin Nunez shënuan kundër Everton dhe Newcastle.

Të tre do të formojnë treshen e sulmit kundër lojtarëve të Carlo Ancelottit me Liverpoolin gjithashtu duke parë një mori lojtarësh të tyre të arrijnë formën e tyre më të mirë përpara ndeshjes, duke përfshirë lojtarë si Fabinho, Trent Alexander-Arnold, Jordan Henderson dhe Andy Robertson.