Liverpooli fiton me përmbysje ndaj Southamptonit

Liverpooli ka shënuar fitore tejet të rëndësishme ndaj Southamptonit, me rezultat 2-1, në kuadër të xhiros së 37 në Premier League.

Të parët në epërsi kaluan vendasit me Nathan Redmond, në minutën e 13, derisa Liverpooli arriti ta barazojë rezultatin me Takumi Minaminon, në minutën e 27. Me këtë rezultat përfundoi pjesa e parë.

Në pjesën e dytë, Liverpooli kaloi për herë të parë në epërsi me Joel Matip, i cili njëherazi ishte edhe goli i fitores.

Reds, pas kësaj fitoreje, mbeten në vendin e dytë me 89 pikë, pas 37 ndeshjeve, me Man Cityn që gjenden në pozitën e parë, me një pikë më shumë. /Klankosova.tv/