Lineker rikthehet në transmetim këtë fundjavë pas arritjes së marrëveshjes me BBC

Gary Lineker dhe menaxhmenti i BBC kanë arritur një marrëveshje për ta rikthyer prezantuesin në transmetim, pas ndërprerjes së fundjavës në oraret e BBC Sport.

Drejtori i Përgjithshëm Tim Davie thotë: “Gary është një pjesë e çmuar e BBC-së dhe unë e di se sa do të thotë BBC për Gary, dhe mezi pres që ai të prezantojë mbulimin tonë këtë fundjavë që vjen”.

Në një deklaratë, Davie njofton gjithashtu se BBC do të nisë një rishikim të pavarur në udhëzimet e saj të mediave sociale, me një fokus të veçantë te përkthyes të pavarur jashtë lajmeve dhe çështjeve aktuale si Lineker.

Gary Lineker thotë në deklaratë: “Jam i kënaqur që kemi gjetur një rrugë përpara. Unë e mbështes këtë dhe mezi pres të rikthehem në transmetim”.

Në deklaratën e tij, Drejtori i Përgjithshëm i BBC-së, Tim Davie, ka kërkuar falje për humbjen e programit të BBC Sport gjatë fundjavës.

“Të gjithë e kuptojnë se kjo ka qenë një periudhë e vështirë për stafin, kontribuesit, prezantuesit dhe, më e rëndësishmja, audiencën tonë. Kërkoj falje për këtë”. /Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.