Lindsay e mohon lidhjen me Scott Disick

Shoqëruesja 18 vjeçare e Scott Disick thotë se ajo nuk po fle dhe nuk është e lidhur me të… së paku kjo është ajo që modelja po i thotë shoqeve të saj, transmeton Klan Kosova.

Lindsay Vrckovnik insiston se ajo asnjëherë nuk ka pasur asgjë me Scott. Ajo thotë se ka udhëtuar me një grup të modeleve dhe e ka takuar Scott në New York, dhe më pas janë shoqëruar për një ditë. Vajzat donin që ta zhvendosnin ahengun në Miami gjatë fundjavës, dhe sipas asaj që ajo i ka thënë shoqeve, Scott e ka shoqëruar me kënaqësi.

Lindsay – e cila është nga Kanadaja – e ka një të dashur atje dhe fotografitë që janë shfaqur në internet kanë shkaktuar probleme në mes tyre.

Çfarëdo që Lindsay pretendon, ajo po ballafaqohet me vështirësi për ta bindur të dashurin e saj për disa arsye.

Së pari, ajo dhe Scott nuk u takuan për herë të parë javën e kaluar, meqë ata u shoqëruan së bashku së paku edhe një herë më parë në korrik, gjatë një ahengu në Malibu.

Problemi i dytë që Lindsay ka , është sqarimi i fotografive ku ajo duket shumë e afërt më Disick. Ajo thotë se fotografitë janë “mashtruese”.