19:51, 2 Prill 2020

Kryetari i Nismës Socialdemokrate, Fatmir Limaj, ka thënë se shumica dërmuese e kushtetutave të vendeve më demokraci parlamentare nuk e kanë të shkruar me afate kohore apo datë se kur duhet një parti apo koalicion të dërgoj emrin e mandatarit për formimin e një qeverie të re.

Mëgjithatë ka thënë se duke lexuar nenin 95 të Kushtetutës, dhe duke u bazuar në frymën e saj dhe gjithë praktikën e gjerë ligjore, atëherë në situata si kjo, ai thotë se mund aplikohen praktika të mirënjohura, që gjerësisht janë zbatuar në sistemet juridike.

Limaj ka përmendur dy prej tyre; e para, në mungesë të afatit strikt përdoret parimi i 1) DETYRIMIT LOJAL dhe 2) parimi DERI NË NJË KOHË TË ARYSESHME.

Kreu i Nismës thotë se juristët janë në dijeni se çka nënkuptojnë këto dy parime që janë të aplikueshme edhe tani në rastin tonë kushtetues.

Shënimi i plotë i Limajt:

Shumica dërmuese e kushtetutave të vendeve më demokraci parlamentare nuk e kanë të shkruar me afate kohore apo datë se kur duhet një parti apo koalicion të dërgoj emrin e mandatarit për formimin e një qeverie të re.

Tani po dëgjojmë opinione të shumëllojshme nga politikanë e opinionistë se LVV mundet me hesht duke mos e dërguar emrin e mandatarit të kërkuar nga Presidenti, për më tepër e habitshme është kur edhe nga disa juristë e shohin si të pranueshme ketë mënyrë veprimi.

Juristët e dinë që pëngimi për përmbushje të obligimit ligjor përmes të ashtuquajturit instrument bllokimi ështe tërësisht antiligjor.

Duke lexuar nenin 95 të Kushtetutës, duke u bazuar në frymën e saj dhe gjithë praktikën e gjerë ligjore, atëherë në situata si kjo aplikohen praktika të mirënjohura, që gjerësisht janë zbatuar në sistemet juridike, ku vlen të përmendim vetëm dy prej tyre; e para, në mungesë të afatit strikt përdoret parimi i 1) DETYRIMIT LOJAL dhe

2) parimi DERI NË NJË KOHË TË ARYSESHME

që juristët janë në dijeni se çka nënkuptojnë këto dy parime që janë të aplikueshme edhe tani në rastin tonë kushtetues.

Konkurs Pune

Lexo më shumë