Liga Unike, Tirana triumfon ndaj Partizanit

Tirana ka triumfuar në derbin e qytetit ndaj Partizanit me rezultat 69:67 (18:13, 18:17, 17:21, 16:16), në xhiron e shtatë të Ligës Unike të femrave.

Sfida ka qenë shumë interesante, duke u vendosur nga dy pikë në fund nga kapitenia Dajana Baraj, që ishin pikët e vetme të saj në këtë ndeshje, por i sollën dy pikë shumë të rëndësishme skuadrës bardheblu.

Më e dalluara te Tirana ishte Enisa Qosja me 31 pikë, tri kërcime e tri asistime, ndërsa te Partizani, Antoinette Alyssa me 23 pikë.

Tirana ka dy fitore e pesë humbje, ndërsa rivali lokal, Partizani katër fitore e tri humbje.