0:26, 17 Shtator 2019

Arben Gashi nga LDK-ja ka pohuar se një koalicion në mes të LDK-së dhe PDK-së është i pamundshëm.

Ai në Analiza Zgjedhore tha se nuk janë rrethanat për një bashkëpunim të tillë.

“Konstatimi i përbashkët në LDK, në struktura dhe në Këshill të Përgjithshëm është që PDK-ja nuk konsiderohet partner. Nuk mund të konsiderohet për këto zgjedhje ndoshta edhe më gjatë”.

“Mënyra se si ka vepruar Partia Demokratike e Kosovës e ka përjashtuar veten nga mundësia e bashkëpunimit me Lidhjen Demokratike të Kosovës”.

Sa i përket bashkëpunimit me PDK-në në qeverisjet e kaluara, Gashi e quajti histori të dhimbshme të LDK-së.

“Është më mirë më në interes të shtetit për ta pakësuar ndikimin e Partisë Demokratike në pushtet. Kjo është tentuar të behet gjatë qeverisjes me PDK-në që arriti shumë shpejt që nuk mund ta durojë bashkëqeverisjen më dhe e votoi mocionin për rrëzimin e qeverisë”.

Konkurs Pune

Lexo më shumë