Laura Fazliu e fiton të bronztën në Grand Prix

Xhudistja Laura Fazliu ka fituar sot medaljen e bronztë nga Grand Prix Upper, që po mbahet në Linz të Austrisë.

Komiteti Olimpik i Kosovës bën të ditur se medalistja olimpike shënoi tri fitore në kategorinë -63 kg.

Për Fazliun kjo ishte gara e parë që prej Lojërave Olimpike Paris 2024.

Kosova edhe dje u stolis me medalje në këtë garë. Dy herë medalistja olimpike, Distria Krasniqi, u kurorëzua me të argjendtën. /Klankosova.tv