12:27, 10 Prill 2020

Përfaqësuesi Special i Bashkimit Europian për ndërjmjetësim në dialogun Prishtinë-Beograd, Miroslav Lajçak, i ka shkruar letër Presidentit Hashim Thaçi, me ç’rast e ka shprehur gatishmërinë e tij për të punuar fort në këtë proces.

Ai po ashtu e ka përshëndetur heqjen e taksës prej 100 për-qind ndaj mallërave me origjinë nga Serbia dhe Bosnja e Hercegovina duke e cilësuar si një hap të rëndësishëm për rifillimin e dialogut të ndërmjetësuar nga BE, njofton Klan Kosova.

“Jam i bindur se me një vullnet të mirëfilltë politik nga të dy palët dhe përmes dialogut, do të mund të arrijmë rezultatet që dëshirojmë për të mirën e njerëzve në Kosovë dhe Serbi”.

Lajçak shton se tashmë e ka përgatitur planin e tij për të filluar punën në procesin e dialogut, ku ka shprehur gatishmërinë e tij për të takuar vetë Presidentin Thaçi dhe liderët tjerë shtetërorë për të shkëmbyer pikëpamjet.

klankosova.tv

Konkurs Pune

Lexo më shumë