Kurti shpreh ngushëllime pas vrasjes së policit Sami Thaçi

Kurti shpreh ngushëllime pas vrasjes së policit Sami Thaçi

8 muaj më parë

Kryetari i Lëvizjes Vetëvendosje, Albin Kurti, ka ngushëlluar familjen Thaçi, pas vrasjes së të birit të tyre, Sami Thaçi, gjatë një aksioni në Zhur të Prizrenit.

“Në orët e vona të mbrëmjes na erdh një lajm i keq. Polici Sami Thaçi paska vdekur në krye të detyrës, gjatë një operacioni kundër narkotikëve në Zhur të Prizrenit. Ngushëlloj familjen e tij dhe Policinë e Kosovës. Shpresoj që të plagosurit të jenë jashtë rrezikut dhe të bëhen mirë sa më shpejt”, ka shkruar Kurti përmes Facebook, transmeton Klan Kosova.

“Që të luftohet me sukses krimi në vend duhet trimëria e sakrifica e policëve, por duhet edhe një qeveri ndryshe, që mbështet policinë e ligjin, dhe lufton pa kompromis krimin”.