Kurti: Prioritet i qeverisë është mbrojtja sociale e qytetarëve NULL NULL 21.03.2023 10:35 21.03.2023 10:35 Kryeministri Albin Kurti. Foto: ZKM Kryeministri i Kosovës, Albin Kurti, ka paralajmëruar reformë të thellë të Qendrave për Punë Sociale në vend. Në konferencën e dytë nacionale për shënimin e Ditës Botërore të Punës Sociale, Kurti tha se në qendër të kësaj konferencë, do të jenë punojësit social në sistemin e mbrojtjes sociale në Kosovë dhe realizimi i të drejtave sociale të qytetarëve. “Ndërtimi dhe mirëmbajtja e sistemeve të mbrojtjes sociale, kërkon angazhim aktiv të punojësve social. Ata me angazhimin e tyre të përditshëm i mbështesin qytetarët në ballafaqim me problemet sociale dhe në tejkalimin e tyre. Njëkohësisht i shërbejnë edhe vendit, për të përparuar në aspektin social”, ka thënë Kurti. Për këtë arsye, Kurti tha se përmes shtimit të kapaciteteve do të fuqizohen këto qendra. “E kemi projektligjin për shërbime sociale, i cili parasheh reformë të thellë të qendrave për punë sociale. Për këtë kemi bashkëbiseduar me shumë nga ju në takimet e mëhershme”, ka thënë ai. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Dy të vrarë e 6 të plagosur në kryeqytet më 2024 - kritikë për masat ndëshkuese (VIDEO) 1 orë më parë
Kosova “Jam familjare e Kurteshëve, por s’më punësuan ata, u punësova me meritë” (VIDEO) 1 orë më parë