Kurti bisedon në telefon me Escobarin për dialogun Kosovë-Serbi

Kryeministri i Kosovës, Albin Kurti, ka bërë të ditur se sot ka biseduar në telefon me të dërguarin e Shteteve të Bashkuara të Amerikës për Ballkanin Perëndimor, Gabriel Escobar.

Ai, me anë të një postimi në Twitter, ka theksuar se me Escobarin diskutoi për dialogun Kosovë-Serbi, transmeton Klankosova.tv.

“Diskutuam për rëndësinë e paqes, sigurisë dhe stabilitetit në rajon, si dhe përkushtimin tonë për dialogun me Serbinë që çon në një marrëveshje ligjërisht të detyrueshme dhe në qendër të së cilës është njohja recipropoke”, ka shkruar Kurti.