Kryeziu-Hyseni: Edhe Lajçak ka qenë i njoftuar për vendimin për targat (VIDEO) - Klan Kosova

Na ndiqni në:


Get it on Google Play Download on the App Store

Kryeziu-Hyseni: Edhe Lajçak ka qenë i njoftuar për vendimin për targat (VIDEO)

NULL NULL
30/06/2022

Deputetja e Lëvizjes Vetëvendosje, Arbëresha Kryeziu-Hyseni, ka thënë se vendimi i qeverisë për targat e komunave paralele vjen si pasojë e marrëveshjeve që janë nënshkruar më herët mes Prishtinës dhe Beogradit. Sipas saj, ata janë vetëm duke zbatuar ato që është dashtë më herët.

Ajo, në Info Magazine të Klan Kosovës, ka theksuar se për një vendim të tillë nuk është nevoja të pyetet askush tjetër pos ekzekutivit kosovar.

“Edhe i dërguari i BE-së, Mirsolav Lajçak, është në mesin e politikanëve ndërkombëtarë që ka qenë i njoftuar që një gjë e tillë do të ndodhë, qysh prej pak më shumë se një viti, në rast se nuk do të ketë lëvizje prej shtetit serb dhe kjo gjë ka ndodhur. Ky nuk ka qenë një vendim ad-hoc që është marrë aty për aty dhe se askush nuk ka qenë në dijeni”, ka thënë Kryeziu-Hyseni.

Ajo vendimin për targat e ka quajtur si të duhur,  njofton KlanKosova.tv.