Kryebashkiaku i Pernikut nuk përjashton mundësinë që shkak i aksidentit në Bullgari të jetë dhe moti i ligë

Kryebashkiaku i Pernikut nuk përjashton mundësinë që shkak i aksidentit në Bullgari të jetë dhe moti i ligë

NULL NULL
6 days më parë

Në vendin e ngjarjes ku ku humbën jetën 46 persona, ka qëndruar edhe kreu i komunës së Pernikut, Stanisllav Vladimirov, i cili ka theksuar se shkaqet e aksidentit mund të jenë të shumta, por nuk përjashton edhe mundësin e motit të ligë.

“Rruga është e lagësht. Kjo pjesë ka një tatëpjetë shumë të madhe. Që nga dita e djeshme ka rënë shi i lehtë. Nuk mund të thuhet nëse arsyeja është moti i ligë, por arsyet mund të jenë të shumta”, tha Vladimirov.

Sipas kryetarit të Komunës së Pernikut, në këtë pjesë të rrugës shpesh ndodhin aksidente. Kjo rrugë është një nga më të vështirat në Bullgari.

Për shkak të aksidentit, në kilometrin e 31 të autostradës “Struma” në drejtim nga Sofja në Bllagoevgrad, autostrada do të qëndrojë e mbyllur gjatë gjithë ditës, së paku në drejtim të Bllagoevgradit./Alsat-m