Kremlini thotë se do të duhet kohë për të sqaruar se çfarë armësh do të dërgojë Amerika në Ukrainë

Kremlini tha të martën se do të duhet kohë për të sqaruar se çfarë armësh po furnizojnë dhe do të furnizojnë Shtetet e Bashkuara tw Amerikws në Ukrainë, pasi Presidenti Donald Trump tha se Uashingtoni do të duhej të dërgonte më shumë armë në Kiev.

Trumpi tha të hënën se Shtetet e Bashkuara do të dërgonin më shumë armë në Ukrainë, kryesisht armë mbrojtëse, për të ndihmuar vendin e shkatërruar nga lufta të mbrohet nga përparimet në rritje ruse, raporton Reuters, transmeton Klankosova.tv.

Kur u pyet për komentet e Trumpit, zëdhënësi i Kremlinit Dmitry Peskov tha se kishte shumë deklarata kontradiktore në lidhje me furnizimet me armë të SHBA-së në Ukrainë, megjithëse ishte e qartë se furnizimet me armë nga Evropa po vazhdonin.

“Padyshim, furnizimet po vazhdojnë, kjo është e qartë. Natyrisht, evropianët janë të përfshirë në mënyrë aktive në mbushjen e Ukrainës me armë”, tha Peskov.

“Sa i përket llojit të furnizimeve dhe në çfarë sasie Ukraina vazhdon të marrë nga Shtetet e Bashkuara, do të duhet ende kohë për ta sqaruar këtë përfundimisht”, shtoi ai. Rusia, e cila po përparon në pika të ndryshme përgjatë frontit, aktualisht kontrollon pak më pak se një të pestën e territorit ukrainas, përfshirë Krimenë, të gjithë Luhanskun, pjesën më të madhe të tre rajoneve të tjera dhe pjesë të tre rajoneve të tjera.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.