Krasniqi (PDK): Miqësia e Kosovës me ShBA-në është e përhershme

Kryetari i Partisë Demokratike të Kosovës, Memli Krasniqi, vlerëson se miqësia dhe raportet bilaterale e strategjike ndërmjet Kosovës dhe Shteteve të Bashkuara të Amerikës janë të pandryshueshme dhe të përhershme.

Kështu ka thënë ai pas takimit të mbrëmshëm me këshilltarin e lartë të Departamentit amerikan të Shtetit, Derek Chollet, që u zhvillua në hapësirat e Ambasadës Amerikane në Kosovë, njofton Klan Kosova.

“Fuqizimi i vazhdueshëm i tyre, në interes të shtetit dhe qytetarëve të Kosovës, është vendimtar për ndërtimin e një të ardhmeje të sigurt”.

Në këtë takim kanë qenë të pranishëm edhe kryetari i Lidhjes Demokratike të Kosovës, Lumir Abdixhiku si dhe kryetari i partisë Aleanca për Ardhmërinë e Kosovës, Ramush Haradinaj.

klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.