Kovaçevski në takim me Stoltenberg: Maqedonia vazhdon të japë kontribut në NATO

Sekretari i Përgjithshëm i NATO-s, Jens Stoltenberg, ka shkuar për vizitë edhe në Maqedoninë e Veriut, pas Kosovës, Bosnje Hercegovinës dhe Serbisë.

Në Shkup, ai u takua me kryeministrin maqedonas, Dimitar Kovaçevski, i cili pas takimit ka deklaruar se Maqedonia e Veriut është një aleat i çmuar dhe me anëtarësimin në NATO, sipas tij, vendi ka siguruar siguri, stabilitet dhe prosperitet.

“Në takimet e sotme me Sekretarin e Përgjithshëm, Jens Stoltenberg, ishte një qëndrim i përbashkët se Maqedonia e Veriut vazhdon të japë një kontribut të rëndësishëm në arritjen e qëllimeve të NATO-s dhe mbetet e përkushtuar për pjesëmarrje në operacionet dhe misionet e Aleancës”, ka shkruar Kovaçevski./Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.