Kosovarët synojnë podiumin ne Kotorr (FOTO)

Këtë fundjavë do të mbahet gara malore në Kotorr të Malit të Zi.

Prandaj gjashtë garues kosovar e kanë paralajmëruar pjesëmarrjen: Gazmend Demolli, Ernest Daka, Faton Rama, Fatos Krasniqi, Lëndrim Dogani e Ismail Smani.

Ndryshe e vlerësuar si njëra nga garat më tërheqëse në rajon, Kotorri gjithmonë ka qenë interesant edhe për garuesit kosovarë.

Gara e disiplinës malore, Hill Climb, është edhe në kalendarin e kampionatit FIA CEZ.

Garuesit nuk e kanë fshehur synimin për podium në këtë garë duke marrë parasysh investimet e mëdha që i  kanë bërë në automjetet e tyre.