Kosova nuk ndryshon pozitë, Shqipëria bie për dy vende

Shtëpia botërore e futbollit FIFA, ka publikuar rënditjen e kombëtareve për muajin prill.

Kosova për dallim nga muaji i kaluar, nuk ka ndryshuar nga pozicioni i saj pas dy ndeshjeve të luajtura për eliminatorët e Euro2024.

“Dardanët” regjistruan dy barazime dhe do vazhdojnë të jenë në poziten e 107-të, që vazhdon të jetë  renditja me e lartë deri më tani.

E anën tjetër, Shqipëria ka humbur dy pozita në rënditjen e  përgjithshme të FIFA-s. Humbja ndaj Polonisë e zbriti kombëtaren kuqezi në vendin e 68-të.

Ndryshime pati edhe në vendin e parë ku pas gjashtë vitesh në majën e futbollit botëror është rikthyer Argjentina. Në vendin e dytë është Franca ndërkohe Brazili është e treta. Top 10-shën e kompletojnë Belgjika, Anglia, Holanda, Kroacia, Italia, Portugalia dhe Spanja.