Koronavirusi, Basha publikon planin me 5 pika të daljes nga emergjenca - Klan Kosova

Na ndiqni në:


Get it on Google Play Download on the App Store

Koronavirusi, Basha publikon planin me 5 pika të daljes nga emergjenca

NULL NULL
19/04/2020

Kreu i Partisë Demokratike, Lulzim Basha, ka publikuar në Facebook plan-propozimin për daljen nga emergjenca e shkaktuar nga koronavirusi.

Në pesë pikat e planit theksohet rritja e numrit të testimeve, gjurmimi i burimit të kontakteve, mbështetja me mjete dhe pajisje për shëndetësinë, matje dhe menaxhim të situatës së COVID-19 si dhe tranzicioni i hapjes së ekonomisë me rregulla.

Më poshtë, plani i plotë i Lulzim Bashës:

1. SA MË SHUMË TESTIME
Sa më shumë persona të testuar, aq më shpejt identifikohen të prekurit dhe ndalohet përhapja e COVID-19. Bllokimi i ekonomisë dhe popullsia në karantinë kanë kosto shumë më të lartë sesa testimi i qytetarëve.

2. GJURMIMI I BURIMIT DHE I KONTAKTEVE
Duhet bërë gjurmim i plotë i burimit dhe i kontakteve të të prekurit. Testimi i mjekëve, policëve e personave në vijën e parë. Kjo kërkon burime njerëzore, trajnimin dhe përdorimin e kapaciteteve lokale shëndetësore.

3. MBËSHTETJE PËR SHËNDETËSINË
Të sigurojmë mjetet dhe pajisjet për personelin shëndetësor. Të garantojmë që kapacitetet tona shëndetësore të përballojnë fluksin e personave që kanë nevojë për trajtim.

4.MATJET DHE MENAXHIMI I SITUATËS
Duhet një sistem i saktë i matjes së impaktit që kanë masat e marra.
Nëse ne e dimë çfarë impakti kanë ato – ulin, mbajnë konstant apo rrisin numrin e të infektuarve -atëherë do të kemi mundësi të reagojmë menjëherë në menaxhimin e situatës, duke i shtrënguar apo lehtësuar më shumë masat e marra.

5.TRANZICIONI DREJT HAPJES SË EKONOMISË
Rifillimi kërkon përshtatjen me realitetin e ri. Qytetarët dhe bizneset do duhet të mësohen të funksionojnë në kushtet e distancës 1,5 m.
Sa më shpejt të adoptohet kjo mënyrë e re aq më shpejt mund të rifillojë ekonomia dhe të reduktohet karantina. Qeveria duhet të mbështesë me fonde dhe lehtësira mënyrën e re të funksionimit të ekonomisë.