11:57, 28 Shkurt 2020

Ministri i Shëndetësisë, Arben Vitia sot ka dalë para deputetëve të Komisionit Parlamentar për Shëndetësi ku ka folur për masat e marra lidhur me koronavirusin, të cilat sipas tij janë në pajtim me Organizatën Botërore të Shëndetësisë.

“Një nga detyrat e para ka qenë informimi i qytetarëve për mbrojtjen dhe rrezikun nga ky virus. Në uebfaqe të ministrisë janë publikuar informata. Masat e para janë marrë në Aeroportin e Prishtinës. Janë shpërndarë mbi 25 mijë fleta informuese. Edhe në pikat tjera kufitare janë udhëzuar që udhëtarët të pyeten se nga vijnë”.

Ai shtoi se ministria ka përgatitur edhe check-listat për kontrollimin e udhëtarëve të dyshuar me virus.

“Klinika Infektive ka përgatitur planin e veprimit për rastet e dyshimta dhe ka zhvilluar planin për menaxhimin e rasteve. Një nga repartet e kësaj klinike ka repartin e izolimit. Kemi kërkuar një fond shtesë prej 400 mijë eurove nga Qeveria”.

Sipas ministrit vendi është i gatshëm edhe për të organizuar karantinat nëse është e nevojshme, njofton Klan Kosova.

Konkurs Pune

Lexo më shumë