Konfirmohet: Nuk ka më Top Fest

Festivali i muzikës moderne Top Fest është në fazën gjysmë finale të edicionit të 12-të, mirëpo mesa duket i ka ardhur fundi.

Këtë lajm e ka konfirmuar Lori Hoxha, producentja e këtij festivali e cila në një intervistë ka thënë se Top Fest ka përfunduar misionin që ka pasur.

“Në gjykimin tonë, festivali si formë e ka kryer misionin e tij. Top Fest nisi 12 vite më parë si një filizë në mes të shkretëtirës dhe vit pas viti u rrit deri në pikën që është sot, pra po në mes të shkretëtirës, por tashmë si një qytet madhështor, përfytyroni Dubain.” – deklaroi Lori.

Në edicionin e fundit po marrin pjesë emra si Ledri Vula, Ermal Fejzullahu, Lumi B, Noizy, Elgit Doda, Teuta Kurti, Gjiko, Jericho e shumë këngëtarë të tjerë./ Prive.al

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.