Komuna e Vushtrrisë përkrahë fermerët me 22 motokultivatorë 

Komuna e Vushtrrisë ka ndarë sot 22 motokultivatorë për bujqit vushtrrias.

Kjo është bërë në kuadër të një projekti në përkrahje të fermerëve në këtë komunë.

Në ceremoninë e ndarjes së motokultivatorëve, kryetari i komunës, Xhafer Tahiri, ka thënë se prioritet i institucionit që drejton  është përkrahja e bujqësisë.

“Prioritet yni është që ta përkrahim bujqësinë, me qëllim të zbutjes së papunësisë dhe rritjes së mirëqenies sociale të njerëzve tanë e sidomos atyre që jetojnë në zonat rurale dhe kanë nevojë për mbështetje”, ka deklaruar Tahiri.

Përveç mjeteve buxhetore nga të hyrat vetanake të komunës, fermerët përfitues të motokultivatorëve kanë participuar me nga 560 euro.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.