Komuna e Ferizajt në dijeni për objektet ku konsumohet droga (VIDEO)

Disa objekte të pabanuara, të cilat kanë zënë rrënjë, si duket janë lënë anash nga çdo institucion.

Ani pse ky destinacion duket i paprekshëm e i harruar, në fakt, dikujt i është ngulitur në memorie.

Janë përdoruesit e lëndëve narkotike vizituesit e rregullt.

Nga komuna e Ferizajt i kanë ngritur duart lartë ndaj të paktën 5 objekteve, të cilat gjenden te zona që njihet si ish korporata e bujqësisë.

Ata kanë thënë se këto të fundit janë pronë e Agjencisë Kosovare të Privatizimit, prandaj nuk kanë kompetencë në rrënimin apo renovimin e tyre.

E lidhur me veprimtaritë që ndodhin aty, thonë se janë të informuar.

Kiksi ka pyetur Policinë e Rajonit të Ferizajt lidhur me arrestimet dhe konfiskimin e substancave narkotike në këto objekte, mirëpo këta të fundit thanë se kjo çështje i përket nivelit qendror.

As për komunën e Ferizajt e as për shtëpitë e pabanuara në kryeqytet në të cilat qëndrojnë përdoruesit e drogave, Policia e Kosovës nuk është përgjigjur.

Sidoqoftë, Kiksi u interesua të dijë se si do të veproj Agjencia Kosovare e Privatizimit lidhur me këto objekte.

Ndonëse në mënyrë zyrtare, AKP-ja zgjodhi të mos i përgjigjet emisionit, kamera e fshehtë e Kiksit, e zuri zëdhënësiN e këtij institucioni, Yll Kaloshi.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.