Komisioni pranon në takim veteranët protestues (Foto) NULL NULL 30.03.2015 13:24 30.03.2015 13:24 E plotësuar: Komisioni Qeveritar për njohjen dhe verifikimin e statusit të veteranëve, invalidëve, pjesëtarëve të Ushtrisë Çlirimtare të Kosovës, ka pranuar në takim disa prej përfaqësuesve të veteranëve. Veteranët hyjnë brenda oborrit të Qeverisë E plotësuar: Veteranët e luftës së Ushtrisë Çlirimtare të Kosovës kanë thyer kordonin e Policisë së Kosovës dhe kanë hyrë brenda oborrit të Qeverisë. Ata thanë se nuk kanë për qëllim të përleshen me policinë, por po kërkojnë të drejtat që iu takojnë. Veteranët e luftës po protestojnë kundër zvarritjes së publikimit të listave të veteranëve të UÇK-së dhe kundër themelimit të Gjykatës Speciale. Veteranët thyejnë kordonin e Policisë, i afrohen Qeverisë E plotësuar: Veteranët të cilët po protestojnë para ndërtesës së Qeverisë së Kosovës po tentojnë t’i kalojnë rrethojat e vendosura nga Policia. Njëri nga ata ka arritur t’i kalojë rrethojat. Ndërkohë, Telegrafi mëson se protestuesit tjerë i kanë rrëzuar rrethojat. Veteranët e luftës po protestojnë kundër zvarritjes së publikimit të listave të veteranëve të UÇK-së dhe kundër themelimit të Gjykatës Speciale. Veteranët e luftës protestojnë para Qeverisë Një numër i madh i veteranëve të luftës janë mbledhur para Qeverisë së Kosovës, të cilët po protestojnë kundër zvarritjes së publikimit të listave të veteranëve të UÇK-së dhe kundër themelimit të Gjykatës Speciale. Ata po brohorisin “UÇK, UÇK”, “Me hajna nuk ka shtet”. Përfaqësues të Këshillit për Mbrojtjen e të Drejtave të Luftëtarëve të UÇK-së po kërkojnë që çështja e veteranëve të rregullohet me ligj.
Kosova Hoti për 6 kushtet e Kurtit për Asociacionin: Janë jorelevante – dialogu kishte strukturë më të mirë në qeverinë e kaluar 2 months
