Komisioni Evropian mirëpret vendimin për heqjen e vizave

Komisioni Evropian ka mirëpritur vendimin për liberalizimin e vizave të kosovarëve.

Ky institucion evropian thekson në një njoftim për media se udhëtimi pa viza sjell përfitime kryesore për qytetarët nga të dyja palët, duke forcuar më tej marrëdhëniet e BE-së me Kosovën.

“Kosova në vazhdimësi i ka përmbushur të gjitha standardet dhe vazhdimisht ka treguar përkushtimin e saj. Me këtë arritje, të gjithë partnerët e Ballkanit Perëndimor së shpejti do të kenë qasje pa viza në BE.

KE thekson më tutje se në vitin 2016 i kishte propozuar Parlamentit Evropian dhe Këshillit që t`ia lejonte kosovarëve udhëtimin pa viza në BE.

“ Komisioni vlerësoi se Kosova i përmbushi të gjitha kërkesat që nga viti 2018 duke përmbushur të gjitha standardet e përcaktuara në Udhërrëfyesin për Liberalizimin e Vizave”.

Parlamenti Evropian të martën i dha dritën jeshile heqjes së vizave për Kosovën.

Një ditë më pas, të mërkurën ky vendim u firmos  në Strasburg ku në ceremony ishte i pranishëm edhe zëvendëskryeministri Besnik Bislimi.

Me këtë vendim, kosovarët pritet që nga 1 janari të udhëtojnë pa viza nëpër Evropë, njofton Klankosova.tv

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.