Kosovë, merr mësim! - Klan Kosova

Na ndiqni në:


Get it on Google Play Download on the App Store

Kosovë, merr mësim!

123
string(15) "Ramiz Lladrovci" string(153) "https://klankosova.tv/wp-content/uploads/2020/11/ramiz-lladrovci-selimit-mos-e-p-euml-rmendi-adem-jasharin-p-euml-r-loj-euml-ra-politike_hd-587x330-1.jpg"
19/07/2022

Projektrezoluta e propozuar në Kuvendin e Republikës së Shqipërisë mbi pabazueshmërinë e pretendimeve për trafikimin e paligjshme të organeve njerëzore në Kosovë e Shqipëri, hap i duhur dhe i domosdoshëm.

Në rrethana normale dhe në vendet demokratike, drejtësia e veçmas gjykata është e pavarur dhe duhet të funksionojë e pandikuar, por kur gjykata vihet në shërbim të organit të akuzës, atëherë shtohen shumë dilema, e kur kërkesat e prokurorisë aprovohen “bllanko” nga gjykata, është sinjal për reagim.

Ndonëse i përkas deputetëve që i kam dhënë mbështetje themelimit të kësaj gjykate, duke qenë thellësisht i bindur se lufta e UÇK-së ka qenë e pastër, për më shumë se sa kaq, pretendimet dashakeqe të raportit të Dick Marty-t, edhe pse i ngjanin filmave fantastik-shkencor, kam qenë i bindur se duhej zbardhur dhe hedhur poshtë.

Gjyqi, kam besuar, do ta rikonfirmonte se lufta jonë për liri ka qenë luftë çlirimtare, e drejtë dhe e pastër.

Megjithatë kur sheh veprimet e Gjykatës Speciale, e cila më shumë i ngjanë një organi të vënë në shërbim të kërkesave të prokurorisë, reagimi si ky i Shqipërisë me këtë Projektrezolutë, bëhet obligim kombëtar.

Përmes këtij reagimi, mbrohet pastërtia e luftës së Ushtrisë Çlirimtare të Kosovës, si guerilja më e suksesshme e shekullit XX, dhe jo vetëm, por është në funksion dhe shërbim të mbrojtjes dhe respektimit të lirive dhe të drejtave të njeriut.

Shkelja e të drejtave dhe lirive të njeriut po bëhet në mënyrë permanete, duke u mbajtur në paraburgim padrejtësisht, pa u përmbushur asnjë kusht ligjor, krerët më të lartë të Ushtrisë Çlirimtare të Kosovës dhe ushtrisë aleate të NATO-s, të cilat së bashku u vunë në shërbim të mbrojtjes së jetës së popullatës civile dhe kundër akteve gjenocidale të shtetit serb.

Shqipëri, ju lumtë! Kosovë, merr mësim, vepro!

klankosova.tv