Kinë: Porsche-ja e re u vendos gabimisht në shitje me çmim të volitshëm

Blerësit e mundshëm të veturave në Kinë kanë zbuluar se një reklamë në internet për një veturë sportive luksoze ishte “shumë e mirë për të qenë e vërtetë”, shkruan BBC, transmeton Klan Kosova.

Një përfaqësi e Porsche në qytetin e Yinchuan listoi automjetin e ri për 18,300 dollarë. Kjo është vetëm një pjesë e asaj që duhet të ishte. Panamera ka një çmim fillestar prej 148,000 dollarë.

Promovimi tërhoqi qindra blerës të mundshëm që nxituan të siguronin atë që dukej të ishte një Pazar i levërdishshëm.

Një zëdhënës i prodhuesit gjerman të makinave tha për BBC se promovimi “përmbante një gabim serioz në çmimin e listuar me pakicë”, i cili u hoq menjëherë.

“Meqenëse kishte vetëm një automjet në magazinë, në përputhje me procesin e shitjes, Porsche Center Yinchuan ka komunikuar me klientin e parë i cili bëri një tarifë rezervimi të rimbursuar në internet dhe ka negociuar një rezultat të këndshëm”, shtuan ata.

Përfaqësia gjithashtu kontaktoi “çdo ofertues individualisht dhe shpjegoi situatën duke u kërkuar falje”.

Informacioni i pasaktë është postuar më 30 janar dhe klientët që kanë paguar tarifën e rezervimit janë rimbursuar, tha Porsche.

Incidenti bëri bujë në mediat sociale kineze. Kishte të tillë që menduan se ishte thjesht një strategji promovuese “e menduar mirë”.