Kica Xhelili: Mos u mashtroni, pushteti popullist po degradon sistemin tonë të drejtësisë

Lidhja Demokratike e Kosovës ka filluar sot, siç thuhet, numërimin e dështimeve të partisë në pushtet me rastin e dyvjetorit të kësaj qeverisjeje.

Deputetja Doarsa Kica Xhelili ka folur për drejtësi, me ç’rast ka përmendur Vetingun, Byronë, dinjitetin në drejtësi dhe padinë për gjenocid.

“Vetingu nuk është gjithëpërfshirës sepse nuk u prioritizua kurrë mjaftueshëm. Byroja shkoi në Komision të Venecias me insistim të LDK-së dhe po me votat e LDK-së kaloi”, ka thënë ndër të tjerash deputetja Kica Xhelili.

Ajo po ashtu ka theksuar se Qeveria uli pagat për zbatuesit e ligjit përderisa nuk u bë asnjëherë padia për gjenocid.