Këtë të premte pritet votimi për Gjykatën Speciale (VIDEO) - Klan Kosova

Na ndiqni në:


Get it on Google Play Download on the App Store

Këtë të premte pritet votimi për Gjykatën Speciale (VIDEO)

NULL NULL
25/05/2015

Amendamentet kushtetuese që i hapin rrugë krijimit të Gjykatës Speciale do të votohen këtë të premte në Kuvendin e Kosovës.

Bashkë me këto amendamente është paralajmëruar edhe votimi i ligjit për këtë Gjykatë.

Por, ende nuk dihet nëse për këtë çështje janë harmonizuar qëndrimet e Prishtinës dhe Brukselit.

Për këtë punë nuk flet as Ministri i Drejtësisë, Hajredin Kuçi.

Kuçi ka telashe me ndërkombëtarët edhe për një çështje tjetër, njofton Klan Kosova.

Ai ka kohë që kërkon krijimin e një departamenti të veçantë në Gjykatën Themelore të Prishtinës, që do të trajtonte akuzat e Prokurorisë Speciale, ndërkohë që po kundërshtohet fuqishëm nga ndërkombëtarët.

Këtë të hëne ai i tregoi arsyet pse po ndodh një gjë e tillë.

Ministri tregoi edhe arsyen pse i nënshtrohen vullnetit të Brukselit.

Megjithëkëtë, Hajredin Kuçi, premtoi se ky departament do të krijohet deri me 15 qershor të vitit të ardhshëm. Ai është i bindur se edhe pakoja e ligjeve të drejtësisë do të kalojë pa asnjë problem të enjten në Kuvend.

Kronikë nga Dibran Istrefi.