Kënga e padëgjuar e George Michael do të jetë pjesë e filmit “Last Christmas”

Një këngë gjashtë minuta e padëgjuar më parë nga i ndjeri George Michael do të publikohet në një film të ri bazuar në muzikën e tij.

Në “Last Christmas”, që do të publikohet më vonë gjatë këtij viti, do të luajnë yjet Emilia Clarke, Henry Golding dhe Emma Thompson.

Regjisori Paul Feig tha se George Michael ishte duke punuar në një album para se të ndërronte jetë dhe një nga këngët e këtij albumi do të jetë pjesë e filmit.

“Është thjesht një këngë e mahnitshme që unë jam aq i ngazëllyer që bota do të dëgjojë tani”.

George Michael u gjet i vdekur në ditën e Krishtëlindjeve në vitin 2016 në shtëpinë e tij në Goring, Oxfordshire.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.