Katër të arrestuarve për krim të organizuar iu caktohet nga një muaj paraburgim (VIDEO) NULL NULL 25.01.2023 14:33 25.01.2023 14:33 Gjykata Themelore në Prishtinë – Departamenti për Krime të Rënda i ka caktuar masën e paraburgimit kundër katër të pandehurve D.S., Xh.M., H.H., dhe T.Sh. Ndaj katër të pandehurve rëndojnë akuzat për vepra penale si “vrasje e rëndë në tentativë”, “shkaktim i rrezikut të përgjithshëm”, “lëndim i rëndë trupor”, “detyrim”, “zjarrvënie” dhe “mbajtja në pronësi apo posedim i paautorizuar i armës”. “Gjyqtarja e procedurës paraprake kërkesën e Prokurorisë për caktimin e masës së paraburgimit kundër katër të pandehurve e ka aprovuar si të bazuar dhe të njëjtëve iu ka caktuar masën e paraburgimit në kohëzgjatje prej 1 (një) muaji, për secilin”, thuhet në njoftimin e gjykatës, transmeton Klankosova.tv. Tutje, bëhet e ditur se gjyqtarja e procedurës paraprake, ka vlerësuar se nëse katër të pandehurit gjenden në liri, ekziston rreziku i arratisjes, agjësimit, fshehjes, ndryshojnë ose falsifikojnë provat dhe mund të pengojnë rrjedhën e procedurës penale duke ndikuar në dëshmitarë. Kujtojmë se katër të pandehurit u arrestuan mbrëmë në një aksion të Njësisë Speciale i cili u zhvillua mbrëmë në katër lokacione në kryeqytet. Arrestohen katër të dyshuar për krim të organizuar në Prishtinë (VIDEO) *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Kusari-Lila “e pengon” Tahirin teksa flet në foltore: Këtë detyrë duhet ta kryej Glauku, jo unë 2 orë më parë