Katër plumba mbi makinën e vlonjatit, i shpëton mrekullisht atentatit - Klan Kosova

Na ndiqni në:


Get it on Google Play Download on the App Store

Katër plumba mbi makinën e vlonjatit, i shpëton mrekullisht atentatit

NULL NULL
28/02/2017

Një 51­ vjeçar i ka shpëtuar një atentati me armë mbrëmjen e djeshme në Vlorë.

Bëhet e ditur se gjithçka ka ndodhur rreth orës 21:40 të së hënës, në aksin rrugor Risili-­Llakatund, pranë vendit të quajtur “Kthesa e Bushajve”.

Shtetasi me inicialet P. S., banues në fshatin Llakatund, ishte duke udhëtuar me automjetin “Benz”, në momentin e ngjarjes.

Ai ka thënë për policinë se, “në një moment ka dëgjuar disa të shtëna me armë zjarri, por nuk ka ndaluar”.

Sapo ka arritur në banesë, 51­ vjeçari konstatuar se mjeti i tij kishte marrë 4 goditje të dyshuara armë zjarri, por vetë nuk ka pësuar asnjë lëndim, shkruan gazeta Shekulli.

Shtetasi P. S., ka njoftuar policinë, e kjo e fundit menjëherë ka nisur hetimet në lidhje me këtë atentat, që fatmirësisht ka përfunduar pa viktima.

Deri më tani nuk dihet se kush është autorit apo autorët e atentatit, ndërsa uniformat blu të Vlorës po punojnë për zbardhjen dhe dokumentimin e plotë të ngjarjes.