Karriget stomatologjike në QKUK, Kurti: Për një shëndetësi publike në shërbim të të gjithëve NULL NULL 05.12.2024 17:54 05.12.2024 17:54 Foto nga Arkiva; Kryeministri Albin Kurti Gjatë ditës së sotme, QKUK-ja është pajisur me 24 karrige moderne stomatologjike. Për këtë fillimisht ka njoftuar ministri i Shëndetësisë, Arben Vitia, dhe së fundmi edhe kryeministri Albin Kurti, njofton Klankosova.tv. Në një postim në Facebook, shefi i qeverisë thotë “klinikë pas klinike, shërbim pas shërbimi, për një shëndetësi publike në shërbim të të gjithëve”. “Vitin e kaluar filluam me ofrimin e shërbimit të sedacionit inhalator – duke u bërë vendi i vetëm në rajon. Tri javë më parë, në stomatologji filloi trajtimi i ri për zgjerimin e nofullës së sipërme me pajisjen e teknologjisë së fundit Fiks – Hirax. Kurse sot, teksa po përmbyllim vitin, Qendra Klinike Stomatologjike Universitare e Kosovës është pajisur me 24 karrige moderne stomatologjike të pajisura me instrumente të integruara. Klinikë pas klinike, shërbim pas shërbimi, për një shëndetësi publike në shërbim të të gjithëve”, ka shkruar kryeministri. Stomatologjia publike furnizohet me 24 karrige moderne *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
