Karikaturisti shqiptar i Muhamedit: Vrasja qe drejtësi - Klan Kosova

Na ndiqni në:


Get it on Google Play Download on the App Store

Karikaturisti shqiptar i Muhamedit: Vrasja qe drejtësi

NULL NULL
05/05/2015
Karikaturisti që fitoi konkursin për karikaturën më të mirë të Profetit Muhamet, ka deklaruar se vrasja e terroristëve ishte një akt drejtësie.

Ka pushtuar të gjitha portalet shqiptare lajmi se fituesi i konkursit për karikaturën më të mirë të Profetit Muhamed është një shqiptar. Emri i tij i artit është Bosch Fawstin transmeton Klan Kosova.

Ai ishte pjesë e një konkursi për karikaturën e Muhamedit në Teksas, kur dy persona të armatosur tentuan të kryejnë një akt terrorist, të ngjashëm me atë në “Charlie Hebdo”.

Karikaturisti shqiptar ka deklaruar se vrasja e dy terroristëve të armatosur është drejtësi.

“Erdhën të na vrasin dhe vdiqën. Drejtësi,” tha ai.

Mediat amerikane theksojnë se Fawstin, ish-mysliman, ka fituar çmimin prej 12.500 dollarë për një karikaturë, e cila nuk është publikuar nga shumë media.

Organizatorët e konkursit thonë se nuk e dinë se ku ndodhet. Një organizatë që gjurmon grupet e urrejtjes, thotë se faqja në internet e artistit shqiptar është e mbushur me urrejtje të shëmtuar ndaj myslimanëve.

Fawstin nuk ka dhënë ndonjë intervistë për mediat mirëpo në faqen e tij shkruan se është një gjë e sëmurë që të të thonë se nuk mund të karikaturosh një profet.

Djali i dy emigrantëve shqiptarë, erdhi në jetë një vit pasi ata erdhën në SHBA.

“Babai im e donte këtë vend, ai erdhi këtu që të ishte i lirë,” kujton Fawstin. “Shkonim në xhami njëherë në vit, mbanin një Kuran në dhomën e ndenjes dhe nuk e lexonim kurrë,” thotë ai.

Sipas tij, pas 11 Shtatorit, pikëpamjet e tij rreth islamit ndryshuan në mënyrë radikale.

klankosova.tv