Kandidati i VV-së për Pejë premton subvencionim nga 350 euro në muaj për disa nga të rinjtë NULL NULL 28.09.2021 00:05 28.09.2021 00:05 Kandidati i Vetëvendosjes për kryetar të Pejës, Gazmend Agusholli, ka renditur prioritet që i ka caktuar për qeverisje në këtë komunë. “Si Lëvizje Vetëvendosje kemi hartuar një plan prej 10 pikash: Punësimi ose subvencionimi në Pejë; Peja transparente; Shëndeti, përfshirë pandeminë; Arsimi; Jeta në Pejë; Peja, komunë e organizuar; Peja turistike; Bujqësia; Sporti; Kultura. “Ne nuk do ta bëjmë punësimin e të rinjve, sepse komuna nuk punëson, por do ta bëjmë subvencionimin e punëtorëve të rinj. Për shkak të pandemisë shumë punëtorë janë larguar nga puna dhe ne mendojmë që t’i subvencionojmë rreth 600 të rinj me pagë prej 350 eurove në muaj. Ligji e lejon për gjashtë muaj që do të përfshinte një kosto prej 1, 260, 000 eurove në vit, të cilat do të merren nga të hyrat vetanake”. Për pikën e dytë, Augusholli thotë se do të ketë transparencë më të madhe gjatë punësimit dhe se s’do të ketë punësime partiake. Ndërkaq, ai zotohet se në rast se merr mandatin do të aplikojë shëndetësinë familjare, për të cilën tha se nuk është aplikuar tash e 20 vjet. Derisa për arsimin premton depolitizim. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Kusari-Lila “e pengon” Tahirin teksa flet në foltore: Këtë detyrë duhet ta kryej Glauku, jo unë 15 minuta më parë