Kanceri i zorrës së trashë

Një prej problemeve më të rënda me të cilat përballet aparati tretës në organizmin e njeriut, është kanceri i zorrës së trashë. Një problem shqetësues në mbarë botën, incidence e kësaj sëmundjeje, është më shumë se 1 milion të prekur të rinj çdo vit, kurse sa i përket vdekshmërisë vjetore nga sëmundja, ajo llogaritet në më shumë se 500 mijë raste.

Kanceri është formacion tumoral me qeliza atipike që rritet në muret e zorrës të trashë dhe duke u zhvilluar, prek gradualisht gjithë murin e saj dhe përhapet lokalisht dhe në distancë në organe të tjera të trupit. Rreth 95% e rasteve janë andenokarcinoma dhe pjesa tjetër limoma dhe karcinoma skuamoze qelizore.

Simptomat e kancerit varen nga lokalizimi i tumorit dhe nga shkalla e përhapjes të tij. Shenjat më klasike të tumorit janë të zorrës të trashë janë:

• Hemorragjia nga zorra
• Ndryshime në mënyrën e jashtëqitjes
• Dhimbje dhe fryrje të barkut
• Ulje të oreksit që pasqyrohet me rënie në peshë të pacientëve, nauze ose të vjella.
• Lodhje e shprehur trupore
• Dhimbje anale
• Kanceri i zorrës së trashë ul cilësinë e jetës së pacientëve.

Faktorët e riskut

• Mosha mbi 50 vjeç, seksi mashkull, konsumimi i tepruar i yndyrnave, i mishit të kuq, alkoolit, obeziteti, pirja e duhanit etj.
• Disa situata të trashëgueshme si polipoza adenomatoze familjare (FAP) që zë rreth 1% të rasteve me kancer kolorektal apo sindroma “Lynch” që zë rreth 3% të rasteve me kancer kolorektal.
• Anamnezë personale për polip të zorrës së trashë apo për kancer të ovarit, gjoksit apo të endometrinumit.
• Histori familjare për kancer të zorrës të trashë. Këta persona janë 2-3 herë më të prirur të zhvillojnë kancer se personat pa histori familjare.
• Sëmundjet inflamatore të zorrës së trashë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.