Kampioni i Kosovës në hedhje të gjyles bëhet me tokë për stërvitje nga KRU “Mitrovica” (VIDEO) - Klan Kosova

Na ndiqni në:


Get it on Google Play Download on the App Store

Kampioni i Kosovës në hedhje të gjyles bëhet me tokë për stërvitje nga KRU “Mitrovica” (VIDEO)

NULL NULL
02/12/2021

Këtë të enjte, KRU “Mitrovica” ka nënshkruar një marrëveshje me Federatën e Atletikës së Kosovës për dhënien në shfrytëzim të një parcele për kampionin evropian në hedhje të gjyles, Muhamet Ramadani.

Kjo është bërë e ditur nga vetë Kompania Rajonale e Ujësjellësit “Mitrovica”, ku thuhet se parcela e dhënë në shfrytëzim për Ramadanin është pronë e vetë kompanisë.

“Sot u nënshkrua marrëveshja ndërmjet KRU “Mitrovica” dhe Federatës së Atletikës së Kosovës për dhënie në shfrytëzim të përkohshëm të parcelës – pronë e ujësjellësit, për t’u shfrytëzuar nga kampioni evropian për U-20 në hedhje të gjyles, Muhamet Ramadani, dhe trajneri i tij, Shaban Ramadani”, thuhet në njoftimin e kompanisë, transmeton Klankosova.tv.

Ndërsa, muaj më parë, sportisti Muhamet Ramadani, në një intervistë për Klan Kosovën, ka thënë se i mungojnë kushtet bazike për trajnime.