Kajtazi: Kjo që po ndodh në veri është çmenduri, e hëna mund të jetë tepër e rëndë për ne (VIDEO)

Gazetari, Vehbi Kajtazi sonte në emisionin “Rubikon” në Klan Kosova, ka folur në lidhje me situatën në veri të vendit, duke thënë se ajo që po ndodh atje, është çmenduri.

Duke komentuar këtë, ai tha se Shqipëri nuk duhet t’i bashkangjitet, siç u shpreh ai, “çmendurisë tonë”.

“Kur të godet i forti edhe këta të vegjëlit ta japin ndonjë shuplakë asaj rruge, sepse problemi është që ti je në konflikt me Amerikën dhe kur je në konflikt me Amerikën, qysh mundesh me prit mbështetje në këtë situatë nga vendet e tjera, përfshirë edhe Shqipërinë”.

“Unë nuk besoj që duhet Shqipëria me iu bashkangjit çmendurisë tonë, kjo është çmenduri çfarë është duke ndodh në veri, kjo është çmenduri, ne jemi në një situatë kur ora po numëron prapa”, u shpreh ai.

Tutje, Kajtazi u shpreh se e hëna mund të jetë një ditë e rëndë për vendin tonë, përcjell Klankosova.tv.

“Ne kemi ultimatum për ta zgjidh problemin dhe zgjidhja e atij problemi janë kushtet që i ka dhënë Amerika dhe ne kemi një kryeministër që nuk do të dëgjojë për to, nesër është e premtë, në vikend nuk ma merr mendja që mund të ketë ndonjë zhvillim, të hënën mund të jetë ditë tepër e rëndë për vendin tonë”, u shpreh tutje ai.

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.