Japonia zbulon 7 mijë ishuj që nuk e dinte se i kishte

Japonia ka rinumëruar ishujt e saj dhe ka zbuluar se i ka 7 mijë më shumë sesa mendohej më parë.

Hartat dixhitale nga Autoriteti i Informacionit Gjeo-hapësinor të Japonisë (GSI) zbuluan kohët e fundit se kishte 14,125 ishuj në territorin japonez, më shumë se dyfishi i shifrës prej 6,852 që ka qenë në përdorim zyrtar që nga një raport i vitit 1987 nga Roja Bregdetare e Japonisë, shkruan CNN, transmeton Klan Kosova.

Megjithatë, GSI këtë javë theksoi se shifra e re pasqyronte përparimet në teknologjinë e anketimit dhe detajet e hartave të përdorura për numërimin – ajo nuk ndryshoi sipërfaqen e përgjithshme të tokës në zotërim të Japonisë.

Numri i ri nuk përfshin asnjë tokë të formuar artificialisht.

Ishujt përreth Japonisë kanë qenë në qendër të disa mosmarrëveshjeve territoriale.

Japonia pretendon se janë të saj ishujt Kuril jugor të administruar nga Rusia, të cilët Tokio i quan Territoret Veriore, një mosmarrëveshje që daton nga fundi i Luftës së Dytë Botërore, kur trupat sovjetike i morën ato nga Japonia.

Klikoni KËTU për t’u bërë pjesë e kanalit zyrtar të Klan Kosovës në Viber.

Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

klankosova.tv