Jansha rikthen temën e “non-paperit” të kufijve, ironizon me rivalët politikë

Kryeministri i Sllovenisë, Janez Jansha, është kujdesur që ta shpërndaj një intervistë të botuar këto ditë të ish-administratorit ndërkombëtar të Bosnjës dhe Hercegovinës, Valentin Inzko, ku austriaku pranon se “non-paperi” shumë i përfolur për mundësinë e ndryshimit të kufinjve në Ballkan, përfshirë edhe Kosovën, ishte qëndruar për katër vite në sirtarët e zyrës së tij.

Slloveni Jansha e pati riaktualizuar këtë temë vitin e kaluar duke u thirrë pikërisht në “non-paper”, por që ishte kritikuar nga disa liderë rajonal, e madje edhe nga konkurrentët politik në Slloveni.

Kësisoj ai në postimin e tij ku e shpërndan intervistën e Inzko, ka futur si adresa pranimi të mesazhit edhe disa parti sllovene, bashkë me porosinë: Sa për informacion!