Jamal Murray lider i Denverit në fitoren ndaj Lakers, seria shkon në 2-0 NULL NULL nga Endrit Zogaj 19.05.2023 13:04 nga Endrit Zogaj 19.05.2023 13:04 Motorët i ndezi me vonesë. Por, kur u nis Jamal Murray nuk pati të ndalur në ndeshjen e dytë finale të Konferencës Përendimore ndërmjet Denver Nuggets e Los Angeles Lakers. E sidomos në çerekun final. Murray shënoi plotë 23 pikë në 12 minutëshin e fundit të betejës, duke i’a siguruar fitoren e dytë Denverit kundër La Lakers. “Çekanët” fituan me rezultatin përfundimtar 108-105. Jamal Murray ishte basketbollisti më i dalluar i kësaj sfide duke shënuar në total 37 pikë, 10 kërcime e 5 asistime. Ndërsa, për ekipin e Lakers u dallua LeBron James me 22 pikë, 9 kërcime e 10 asistime i ndihmuar edhe nga Austin Reaves me 22 pikë. Beteja e tretë ndërmjet Lakers dhe Denverit do të zhvillohet me 21 maj pas mesnate në “Crypto Arena” të Los Angjelosit.
