Jahjaga pret kongresistin amerikan NULL NULL 11.05.2015 18:00 11.05.2015 18:00 Presidentja e Kosovës, Atifete Jahjaga, është takuar sot me kongresistin e SHBA-së, Dana Rohrabacher, me të cilin diskutoi për zhvillimet aktuale në Kosovë dhe në rajon si dhe për rrugën e integrimeve euro-atlantike. Presidentja Jahjaga dhe kongresisti Rohrabacher vlerësuan të arriturat në Kosovë duke vënë theks të posaçëm në zhvillimin ekonomik, investimet e huaja që do të mundësonin hapjen e vendeve të reja të punës dhe në këtë rrafsh edhe zhvillimin e sektorit energjetik. Të dy bashkëbiseduesit biseduan për nevojat e Kosovës në fushën e energjetikës dhe gjetjes së mënyrave të shfrytëzimit të energjisë alternative. Presidentja Jahjaga dhe kongresisti Rohrabacher biseduan edhe për forcimin e demokracisë në Kosovë, ndërtimin e shoqërisë gjithëpërfshirëse dhe avancimin e të drejtave të njeriut, për të gjitha komunitetet që jetojnë në Kovë dhe në veçanti të komuniteteve pakicë. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Osmani: Mandati i KFOR-it, vetëm si reagues i tretë – nuk bëhet fjalë për marrje të kompetencave 17 orë më parë
