Iu vihet dryni 9 lokaleve të bixhozit në Ferizaj

 Njësiti i Hetimeve Kundër Krimeve Ekonomike, në bashkëpunim me inspektorët e ATK-së kanë kontrolluar mbrëmë njëmbëdhjetë lokale në Ferizaj ku zhvillohen veprimtari të bixhozit të paligjshëm dhe nuk i plotësojnë kriteret e parapara ligjore, me çrast nëntë prej tyre janë mbyllur.

Policia njofton se janë konfiskuar tri shtëpiza kompjuterike si prova materiale.

Ndërkohë që ndaj pronarëve të këtyre bizneseve është iniciuar kallëzim penal për veprën “organizim i skemave piramidale dhe bixhozit”, transmeton Klan Kosova.