Ish-trajneri i Swanseas tani punëtor në aeroport

Luke Williams, ish-trajneri i Swansea City, ka zgjedhur një rrugë të veçantë pas largimit nga futbolli profesionist.

Pas shkarkimit nga klubi uellsian në shkurt të këtij viti për shkak të rezultateve të dobëta, Williams ka vendosur të mos nxitojë drejt një angazhimi të ri në futboll, pavarësisht disa ofertave që i janë paraqitur.

Në vend të kësaj, ai ka zgjedhur të angazhohet në punë humanitare, duke ndihmuar pasagjerët me aftësi të kufizuara dhe lëvizshmëri të kufizuar në Aeroportin e Bristolit.

Ky vendim ka tërhequr vëmendjen e publikut dhe është vlerësuar gjerësisht si një shembull i përkushtimit ndaj komunitetit.

Williams ka theksuar se është ende i dhënë pas futbollit dhe se do të rikthehet në fushë kur të vijë projekti i duhur, por për momentin dëshiron të bëjë një punë që ka ndikim real te njerëzit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.