Ish-presidenti i Sudanit ishte zhvendosur nga burgu në spital

Ish-presidenti sudanez Omar al-Bashir u zhvendos nga burgu në një spital ushtarak përpara shpërthimit të luftimeve në fillim të këtij muaji, sipas ushtrisë sudaneze.

Bashir erdhi në pushtet me një grusht shteti ushtarak në vitin 1989 dhe sundoi Sudanin deri në vitin 2019, kur u rrëzua nga një tjetër grusht shteti pas protestave në shkallë të gjerë.

Pas largimit të tij, ai u dënua për korrupsion me dy vjet burgim.

Ushtria tha në një deklaratë se Bashir dhe një numër i të tjerëve ishin transferuar nga burgu Kober, afër kryeqytetit Khartoum, në një spital ushtarak nën kujdesin e policisë me rekomandimin e stafit mjekësor.

Pyetjet u ngritën në lidhje me vendndodhjen e Bashirit pasi një ish-ministër në qeverinë e tij, Ali Haroun, njoftoi të martën se ish-presidenti ishte larguar nga burgu me ish-zyrtarë të tjerë, raporton BBC, transmeton Klankosova.tv.

Disa raporte kishin sugjeruar se Bashir mund të ishte liruar gjatë një sulmi në burg.

Si Bashir ashtu edhe Haroun kërkohen nga Gjykata Penale Ndërkombëtare për mizoritë e dyshuara në rajonin perëndimor të Sudanit të Darfurit./Klankosova.tv/.

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iO