Ish-presidenti Bush e uron Trumpin

Ish-presidenti amerikan, George W. Bush, ka lëshuar një deklaratë përmes së cilës ka uruar ish-presidentin Donald Trump për fitoren në zgjedhjet presidenciale të së martës.

“E uroj Presidentin Trump në zgjedhjen e tij si president i 47-të i Shteteve të Bashkuara të Amerikës, sikurse edhe Zëvendës Presidentin e zgjedhur, J.D. Vance dhe familjet e tyre”, tha Bushi, raporton CNN, transmeton Klankosova.tv.

Ai e falënderoi presidentin Joe Biden dhe zëvendës presidenten Kamala Harris për shërbimin e tyre, dhe tha se dalja e votuesve është “shenjë e shëndetit të republikës sonë dhe fuqisë së institucioneve tona demokratike”.

Bushi ka qenë kryesisht i heshtur gjatë fushatës së këtij viti, duke refuzuar të mbështesë publikisht asnjërin kandidat, pavarësisht kërkesave nga Republikanët si Liz Cheney dhe ish-ndihmësja Nicolle Wallace që ai t’i dalë në përkrahje Harrisit.

E bija e tij, Barbara Bush, trokiti nëpër dyer në Pennsylvania për Harrisin. /Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.