Isa Mustafa e ka kapur LDK-në

Kuvendi i tetë zgjedhor i LDK-së, i mbajtur të dielën nuk ka lënë një shije të mirë.

Sipas ish-kryetarit të kësaj partie Fatmir Sejdiu, janë shumë elemente që e cënojne traditën e saj, shpirtin e saj, demokracinë e instaluar dhe kultivuar nga ajo.

“Në një situatë të tillë, ka marrë një goditje me kundërshtitë e zëshme nuk është një rrugë që sjell rezultate” – ka thënë Sejdiu në emisionin Zona B.

Ai ndër të tjera theksoi se me vdekjen e presidentit Rugova, është instaluar një mënyrë e tillë e votimit .

Sipas tij ekipi e njerëzve bashkë me kryetarin Mustafa kanë kapur LDK-në duke pamundësuar shprehjen e lirë.

Ai tha se ka qenë nga njerëzit e parë në LDK që ka dhënë alarmin për këtë natyrë të veprimeve,  që personat e tillë kanë instaluar një logjikë të survejimit që të kontrollohet vullneti i anëtarëve të partisë. / klankosova.tv