Irani pretendon sulm ndaj Mossad-it, ende asnjë konfirmim zyrtar nga Izraeli

Në Izrael, raportohet për rreth pesë persona të plagosur lehtë si pasojë e përpjekjeve për të hyrë në strehimore gjatë breshërisë së fundit të raketave balistike të lëshuara nga Irani.

Megjithatë, pamjet që qarkulluan tregojnë autobusë të përfshirë nga flakët dhe goditje direkte në zonën e Tel Avivit dhe në qytetin bregdetar Herzliyam, transmeton klankosova.tv.

Në Herzliya, censura ushtarake izraelite ka ndaluar publikimin e pamjeve dhe informacionit për vendin e goditur, duke e klasifikuar si “zonë të ndjeshme” – një term që zakonisht lidhet me struktura ushtarake, të inteligjencës ose objekte strategjike.

Ndërkohë, Gardat Revolucionare të Iranit (IRGC) kanë deklaruar se kishin në shënjestër ndërtesat e inteligjencës në Herzliya, përfshirë Mossad-in dhe inteligjencën ushtarake Aman.

Deri më tani, këto pretendime nuk janë komentuar nga autoritetet izraelite.

Mbrëmë vonë janë shtrënguar masat për qarkullimin e informacionit, duke e bërë të vështirë verifikimin e detajeve të plota të sulmeve.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.